Marketin Masterra

Euskal Herriko Unibertsitateko Marketin Masterra Ekonomia eta Enpresa Zientzien Fakultatean ematen da 1989/1990 ikasturteaz geroztik. EHUko Enpresari Aplikaturiko Ekonomia Institutuak antolatzen du eta Bizkaiko Foru Aldundiko Ekonomia Sustapenerako Sailak, Enpresaren Ekonomiaren Ikerketa eta Garapenerako Emilio Soldevilla Fundazioak (FESIDE) eta Ekonomilarien Euskal Elkargoak babesten dute.

Masterraren helburuak

Masterrean jorratzen diren alorretan (Merkataritza/Marketina) zuzendaritza-lanak burutzen dituzten edo burutu nahi dituzten unibertsitate-tituludunei Merkataritza Zuzendaritza eta Marketin Zuzendaritzari buruzko trebakuntza integrala ematea.
Bigarren tokian, baina ez aurrekoa baino garrantzi gutxiagokoa, prestakuntza, enplegagarritasuna eta edo/eta ikasleen lanbide-aurrerapena helburu dituen izaera pertsonal eta profesionaleko harreman iraunkorretan oinarritutako sarearen sorrera eta garapena bultzatu nahi ditugu.
Bigarren helburu hori lortzeko funtsezkoak dira Masterrean zehar ikaskideekin eta irakasleekin fakultatean egindako harremanak, bai eskola-sesioetan eta baita taldeka burututako lanetan ere. Izan ere, Marketin Masterrean GRADUATUTAKOEN ELKARTEAren lana oinarrizko da. Hori dela eta, beren web orrialdean (http://www.asociacionmarketing.com)misioa, bisioa, baloreak eta helburuak aztertzea gomendatzen dugu. Bestalde, sarbide askeko taldeak ere badituzte Facebook-en (Master en Marketing de la UPV-EHU) eta Linkedin-en. Biak oso interesgarriak suerta daitezke marketin, komunikazio, merkataritza-zuzendaritza eta tankerako esparruetan dihardutenentzat.

Ondoko hauei zuzendua

Marketin/Merkataritza zuzendaritzan trebatu nahi duten unibertsitate titulaziodun profesionalei. Batez ere merkataritza edo marketin-kudeaketa eta zuzendaritzari buruzko unibertsitate-trebakuntza jaso ez arren, lan horretan diharduten unibertsitate-tituludunei.
Plazen % 20 langabetuentzat erreserbatuko da, aukeraketa prozesuan beren aurreko lan esperientzia kontuan hartuz.

Titulazioa

Dagozkion proba akademikoak gainditu eta eskatutako gutxieneko bertaratzea betetzen duten pertsonek Marketin Master titulua eskuratuko dute (Euskal Herriko Unibertsitatearen Graduondoko Titulua).

Informazio gehiago HEMEN