Komunikazio Estrategikoa eta Operazionala: Kirol-babesletza

martes, 15 de abril de 2014

Kirol-babesletza

Babesletza on baten garrantzia kirolean

López Lorenzo, Leire

Gaur egun kirol-babesletzak garrantzi handia hartu izan du eta oso garrantzitsua bilakatu da. Esan daiteke, babeslerik gabe ez litzatekeela posible izango hainbat gauza egite. Kirolen artean desberdintasunak daude eta minoriztuta dauden kirolentzat, babesletzak erabateko garrantzia har dezake.

Noraino behar dugu babesletza? Zein punturarte izaten dugu kontuan hedatzen dugun enpresa edo pertsonaren irudia? Kaltetu dezake gure kirol taldea? Kaltetu dezake ekitaldi bera ere?

Sponsorrak(enpresa edo pertsona izan daitekeena) kirol arloan laguntza ekonomikoa eskaintzen du etekin publizitario eta finantzieroaren truke. Hau da, kirol ekitaldi, talde edo gizabanakoak sponsorraren irudia eraman behar du laguntza ekonomiko horren truke; era honetan, marka eta publiko objektiboaren artean lotura emozionala sortzen delarik.

Esan bezala, kirol babesletzak ekar ditzakeen onuren artean, enpresaren notorietatea handitzea da, hau da, euskarri desberdinetan sponsorraren irudia agertzea. Bestetik, kirol ekintza, talde edota pertsona jarraitzen duten pertsona kopurua oso handia da eta gainera, audientzia hori publiko objektiboarekin lotu dezakegu. Motibatuta eta ineteresa daukan publikoa delako. Halaber, hedabideetan agertzeko aukera paregabea da, bitarteko anitzetan agertzeko aukera. Besteak beste, kirol taldeko argazki batean, futbol partidu batean kirolari batek sartutako golaren bideoan, formula bateko lasterketak gidari irabazlearen kotxea, etab.

Horrez gain, aukera aparta da ere, enpresa bera, bere publiko objektiboarekin konektatzeko eta enpresa beraren baloreak zeintzuk diren ezagutzeko.

Beraz, zer da garrantzitsua babesle izan nahi duzunaren edo enpresa babesle bat behar denean? Argi izan behar dira zeintzuk dira gure baloreak eta zein motatako enpresarekin erlazionatu nahi garen. Oso garrantzitsua baita zein izenarekin edo zein irudirekin erlazionatuko gaituzten. Gauza positiboak bi alderdiei irabazietara eramango dituzte baina alderi baten gauza negatiboak bien porrota ekar dezake.

Red Bull kasua

Red Bull da kirol-babesletzaren eredurik adierazgarriena. Marka honek, muturreko ekitaldiak eta kirolariak babesten ditu “Te da alas” lelopean. Adibide gisa, Felix Baumgartner estratosferatik bota zeneko ekintza, itsaslabarretako jauziak, formula 1eko taldea, etab.