Klasean ikasitakoa profesionaleek ikasi behar dute

Asignaturan irakasten den konpromisoak hartzeko gaitasuna enpresetako profesionalak hori bera ikasteko esfortzuak egiten ari dira. Kuriosoa, ezta? Ikusi artikulua (www.euskadinnova.net):

Nola kudeatu taldearen konpromisoa enpresen eraldatze-prozesuetan

Darwinen hautespen naturalaren teoria ebolutiboak jasotzen duenez, aldaketara hobekien egokitzen diren organismo bizidunak dira bizirauten dutenak. Darwinen planteamenduak enpresa-munduari aplikatuz, aldaketa XXI. mendeko enpresen parte dela baiezta dezakegu, eta enpresak organismo bizidunak diren heinean, aldaketari egokitu behar zaizkio, eta baita aurrea hartu ere, biziraun ahal izateko.
Horrela, enpresek antolaketari lotutako aldaketa eta berrikuntzei ekiten diete. Hala ere, antolaketaren aldaketaren barne dagoen pertsonen atala kudeatzeari ez zaio jaramon handirik egiten enpresen eraldatze-prozesuetan. Ondorioak lazgarriak izan daitezke, eta batzuetan eraldatze-proiektua porrotera eramaten dute. Taldearen konpromisoa jaisten bada, etekina jaisten da, baina nondik hasi?
Enpresen eraldatzea arrakastatsua izan dadin, antolaketa-konpromisoa kudeatzea beharrezkoa da, baina horrek aldez aurretik hainbat urrats ematea eskatzen du eta enpresa guztiek ez dute urrats horien berri edo ez daude horiek emateko prest.